رباعياتي .....أنا والقلم

أنا والقلم في تحدي من زمان..

كل ما يكتب يكتب أحلام ... أحلام .....

وكأنها ما بتتحقق من أعوام ...

فبرسم ضحكة وأغني أوام ...



عشان الدنيا مش مستاهلة أحزان ..

ولو حد جاب علي قلبه يموت بجنان ..

بسيطة الفكرة وعاوزة إنسان فنان ..

يعبر عنها بدون ألوان ...



ساعات دقايق هقول لحظات ..

نشوف شبابيك خارج منها آهات ..

نقرب ونقرب ممكن نحل ونهدئ حاجات ..

وبعد ما نوصل نلاقيها لحظه فيها منامات ..



فيها الحياة آنين وآه ..

وماضي وفكرة وحلم بنستناه ..

وصديق وصاحب وحبيب نفسنا نلقاه ..

ده غير إللي مكتوم ومع الأيام هننساه ..



عجيبة الدنيا في ليل ونهار ..

فيها حاجات كلها أسرار ..

وعملنا فيها جزاءه من جبار ..

إللي كويس بيروح الجنة وإللي عنيد بيروح النار ..



بلكونة قصادها أصغر شباك ..

ليهم حواديت وشوية أشواك ..

وطير فوقهم بيغني لغيره وبيقول .. بهواك ..

ولو غبت كتير حبيبي مش هنساك ..



***************